BLOGGER TEMPLATES - TWITTER BACKGROUNDS »

Monday, 3 May 2010

احنا مش بنعمل فن احنا بنعمل فلوس



مما لا شك فيه اننا نعيش ازهى عصور الإنحطاط الفنى فى مصر

صار المبدأ الذى ارساة جمال مروان فى اعلان ميلودى الجديد ( احنا مش بنعمل فن احنا بنعمل فلوس) هو مبدأ الحياة الفنيه فى مصر

صارت قنوات ميلودى تواصل تحديها للأدب دون تدخل او رقيب حتى وصلت لقمة القذارة فى حملتها الدعائيه الجديدة عن طريق استخدام مصطلحات مثل ( احضن واحلم ومصمص وابن المت......) وبعد ان كانت تلك ال ( بوبى) تطل علينا بصدرها قررت ان تتطور لتطل علينا بمؤخرتها هذة المرة فى محاولة يائسة لهدم ما تبقى من اخلاقيات شعبنا الغلبان

واذا ذهبنا لسوق الكاسيت فسنفاجأ بكم هائل من السنجلات اللتى لا معنى لها واللتى وصلت بذلك ال ( دياب) لأن يخرج علينا باغنيته الجديدة ( العو) بعد اغنيته الأولى ( غمازات) واللتى فاجانا فيها بان الدنيا هى اكبر غمازات وهو ما لم نكن ندركه من قبل ليخرج علينا بجديدة قائلا فيها ( اللى يخاف من العو يطلعله ينزله يقعدله) والى قد يتخيل الكثير من المؤدبين انه لا معنى لهذا الكلام غير ان الكلام يحمل فى طياته معنى فى قمة القذارة لا استطيع وصفه حفاظا على ما تبقى من حياء القارئ

وايضا مثل ذلك المطرب الجديد( سعدى) والذى خرج علينا بجمله تقول ( دول فى الكتب قالم ايه قاله خليها على الله حبيبك ادخل عليه ويلا يلا)

والى الان لم اعرف فى اى نوع من انواع الكتب يقال هذا الكلام وما معنى ادخل عليه ويلا تلك

اما عن السينما فحدث ولا حرج ابتداءا من كلمنى شكرا ومرورا ب احاسيس ورسايل البحر ووصولا ل عصافير النيل وكلها تتحدث عن علاقات شاذة وجنس صريح ويكفى جمله حواريه فى فيلم كلمنى شكرا يقول فيها البطل عمرو عبد الجليل حين تطلب منه بطلة الفيلم اللتى لا اعرف اسمها ان ( يلعب) فى الجزء اللى فوق بس لأن به قلبها فيخبرها بان قلبه تحت وحاسبى قلبى هايقف ولا تعليق.

وهو ما انعكس ايضا على سلوكياتنا فى الشوارع والبيوت حيث صارت لغة الشتائم والبذاءات هى السائدة فى معاملاتنا

حقا انا اتحسر حين اتابع مسلسل مثل (لوست) او ( الضائعون) لأكتشف مدى الفارق بيننا كدولة اسلاميه عربيه تحافظ على القيم والأخلاق وبين الغرب كدول ملحدة كافرة بلا قيم ولا اخلاق ليصدق ما قاله الإمام الغزالى رحمه الله وجدت هناك اسلاما بلا مسلمين وهنا مسلمين بلا اسلام.

14 comments:

كيــــــــــــارا said...

الحمد لله مش متابعه كل اللي اتقال دا ولا بفكر احرق في دمي واشوفه اساسا

منقطعة عن التي في بكوووووول اللي فيه

صيدلانية مسلمه said...

عذرا للتحليق بعيدا عن الموضوع

ندعوكم لمشاركتنا حملة إصلاح الجيل من أجل التحرير .
(حملتنا حملة أفعال مش بس كلام )

ونرجو منكم وضع لوجو الحملة فى المدونة

والتفاعل مع الحملة

ونفع الله بنا وبكم الأسلام والمسلمين
http://forelaqsa20.blogspot.com/

جوجو said...

السلام عليكم

فعلا كل اللى بيحصل ده مسخرة ومهزلة
واهو بيلهوا الناس وبيكسبوا فلوس
تحياتى

مهموهـــــــة said...

بصراحة انتي ختمتها بكلام الشيخ الغزالي الرائع
بجد احلى ختام للكلام ده

بوست رائع اوي و الله
و فعلا حالنا بقى كل يوم في انحطاط
بجد انا نفسي مرة فيلم اشوف فيه حد بيصلي
كله بوس و علاقات و شذوذ و تحرش و كلام بذيء
بقى حياة الناس كلها كده ؟؟؟
مش معقول
و تيجي تعلق للمخرج على الفيلم يقولك احنا بنوضح فئة معينة من المجتمع مش كل المجتمع

طيب بعد ما وريتنا الفئة الزفت دي ورينا فئة تانية محترمة
و لا هو الشعب كله فئة منحطة ؟؟؟؟!!!!!!

ربنا يرحمنا برحمته يا رب


سعيدة اوي بانضمامي للمدونة دي
و اكيد هضيفها عندي

تقبل مروري الاول و ان شاء الله مش الاخير

خالص تحياتي و تقديري

دعاء العطار said...

يااااااه من زمااااااان مجيتش جنب التليفزيون ولا بقيت اتفرج عليه اساسا

والله ارررررررررررررررريح

NeVeN said...

السلام عليكم

احب اقولك
ان الانحطاط والقذارة اللى جميع وسائل الاعلام دى هدفها واحد انها تضللنا عن كل ما هو صحيح حتى تغيب عقولنا


لما تلاقى السينيما اللى بيقولو انها
مقياس تقدم الشعوب
بالمناظر المؤرفة دى
والالفاظ السوقية دى والتلميحات البذيئة دى

يبقا توقع ان دة لو مبيحصلش فى الشارع هيحصب
دة زى ميكون تشجيع صريح على الشذوذ
والاغتصاب والمخدرات
واقل حاجة ااننا ممكن نعملها اننا نقاطع الفن المنحط دة والاغانى الهابطة دى

ونشجع الفن المحترم بجد
اعزرنى على الاطالة بس الموضوع مستفز اوى كنت عاوزة اكتب اكتر من كدة بس حسيته قلة زوق


بالتوفيق يارب بداية قوية اوى

مساءك ورد

ســـهــــر said...

انا متفقة معاك جدا
ومع نوفا كمان
بس لو جيت للسينما
هتلاقى فيلم زى كلمنى شكرا ورسائل البحر ايراداتهم عاليه جدا
لازم يكون فى وقفة مننا احنا ونقاطع الفن الحقير دة اللى هما بيسموة فن للاسف
خالد يوسف فى كل افلامة بيطلع المصرى سفاح وحرامى وشاذ
حاجة تأرف بجد

دة اى فيلم امريكى يا اخى لازم تلاقى علم بلدهم فى العالى لازم لقطة تجيب فيها العلم الامريكى
احنا عندنا لالالالالالالالا بنجيب الحوارى والحوارات القذرة دى وبكدة يبقا نقل الواقع اللى بيعيشه الشعب المصرى

سورى انى طولت عليك
وبحييك ع البوست جدا فعلا هايل

ســـهــــر said...

بعتذر نسيت اقولك ان القالب بتاع المدونة رائع

Doba said...

أولا حلو البانر بتاع المدونة والفيلم لطيف بتاع نيو موون ده

ثانيا الدنيا كلها دلوقتى بتجرى ورا الفلوس وكيفية عمل ربحية اكبر من الهوا

ثالثا الناس كلها بقت عندها معجم فظيييييييع من قلة الادب والانحطاط وده مش من دلوقتى ده من زمان

بس سيبك انت المحترم محترم

تحياتى

على فكرة حلوة عين أفاتار دى
مخيفة

سلام
هبة

أميرة الأحلام said...

وانا بقرأ الموضوع افتكرت جمله الشيخ الغزالى ولما كملت الموضوع لاخره لقيتك ختمته بيها وفعلا ده احسن تعبير عن الحاله الي احنا فيها والي بتسوء كل يوم عن اليوم الي قبله بجد قد ايه الواحد بيحزن لما بيشوف السينما الاجنبيه الي بتحترم في اعمالها عقليه البشر
ربنا يرحمنا برحمته الواسعه
تحياتى

ندى الياسمين said...

شوف انت جمعت كل الى انا قرفانه من فى البوست ده

ولسه كنت بناقش الموضوع ده مع اختي الى اكبر مني
وباقولها هما العيال اخواتك الصغيرين دول بيتكلموا زفت كده ليه

ماهم اخواتنا يعنى والى مربيهم مربينا
ده احنا لحد الان ما نعرفش نقول زيهم الى هما بيقولوا

وبعد مناقشات طويله وعريضه يعنى توصلنا لان الاعلام والسينما والزفت هما الى عملوا كده فى الشعب

ده بالاضافه لقلة التربيه طبعا
هالبت انا بابا كان يسمعنى باقول لاختي يا حماره كان يبصلي شظرا كانى عملت جريمه شنعاء ويقولي الفاظك يا بنت

هو نفس البابا دلوقتي والله والبت اختي بتقول قدامه كلام وهو ولا الهوا ولا التراوه
ما تعرفش ايه السر
انا بس هاختلف معاك فى حاجه
الامريكان لسان زفر وقلالة الادب اصلا وكلامهم كله ايحاءات زي الزفت

واحنا اصلا فى افلامنا بنقلدهم
سمعت مره واحد اهبل بيقولك ما فلان فى فيلم كذا الى خد جوايز كذا وكذا كان بيقول كذا وكذا ما حدش قال عليه ابيح ليه

طبعا كان نفسي اقوم اقوله ماهو انت يادوب انت وهو ابن كذا وستين كذا

بس طبعا انا مؤدبه للاسف

بس ده لا يعنى انهم مش عندهم ميزات مش عندنا ولا احنا هنا اصلا ولا فى دماغنا سوى الفته والحته

وده اكسبرشن جديد نوفي من تاليفى فى زمن الافتكاسات الخالصه

وطبعا اول زياره وهاتكتشف انى اكبر رغايه فى البلوجر ده

وانت نورتنا بالزياره

Timo.. said...

احنا مش بنعمل فن..ولا بنعمل فلوس..!!
للاسف لو بصيت على ايرادات الافلام هتلاقي اعلى الايرادات للافلام اللي من النوعية اللي اتكلمت عليها..
بس السؤال : ياترى نقدر ندخل بفيلم منها مهرجان عالمي وناخد احسن فيلم عالميا..؟؟
وعلى فكرة..مفهوم العالمية بينبع من التعمق في المحلية..واحنا بنتعمق في قذارة المحلية عشان تبان هي المجمل ومش واخدين بالنا على اللي بيبص علينا من بره..!!
الكارثة الاكبر للاجيال الصغيرة اللي بتنشأ على الافكار دي وتقتنع انه كل المجتمع كده فا ليه يبقى هو (مختلف)..؟؟

بجد احييك على البوست ده.

شذا الروح said...

ولسه ياما هنشوف
كلامك صح اووووووووووووى


مبروك المدونه وان شاء الله فاتحة خير عليك

المدونه تحفة

sony2000 said...

والله عندك حق فكل اللي قولتو
وقال ايه:البتاع اللي بيعمل الاعلان ده اخد جائزه احسن اعلان السنادي
انا بردو كتبت بوست عنهم قبل كدا
وربنا يسترها علينا..علي اللي فاضل من شويه الاخلاق
دول لو موجودين:)